وعاش من عرف قدره ...

اليوم باش نحكيلكم على حكاية ردتها بعض الأقلام قضية الموسم.

باش نحكيوا على خروج أمين الشرميطي باش يلعب في ألمانيا, وربي يعينه ويوجهه خير .. وانشاالله ينور هاك النجمة و الهلال ...

أيا سيدي كيف ما تعرفوا لكل, وقتلي يوفى كل موسم, وتقل مواضيع الكورة, ماعون صنعة الجرايد الكل حكايات تنقلات اللاعبين.

ويبداو عادة يتبعوا في كل خبر, ولو موش صحيح, الفائدة الشعب يستهلك في اللي ينشروا فيه.

وكيف من فوق يبدا التنقل هذا أغلى واحد في تاريخ كورتنا, وفيه عدة أطراف متداخلة, ومصالح متعارضة .. يقوى التشويق والزوم يزيد يكبر ..

وبالطبيعة, كيف كل حاجة متعلقة بالكورة عندنا هالأيامات, لازم الحكاية تاخذ طابع جهوي مسوقر ..

أيا سيدي هاو نجيلكم مالاخر : الشبيبة القيروانية, الفريق المكون للاعب, حط روحه طرف في العملية, وولات اتبع في المفاوضات وحتى كيف النجم طلب انتداب لاعب من صنف الأواسط, الشبيبة اشترطت انو النجم يفرط في الشرميطي قبل ...

وقتلي, نورملمون, الشبيبة حقها تتلهى بشؤونها, وتستنى بايها اللي كتب من الصفقة بعد ما اتتم ...

هالتطاول هذا من الشبيبة على النجم, اللي يحبوا الناس وإلا يكرهوا, فريق أكبر منها, وما يجيش بالكل انها تتدخل في شؤونه, قلنا عاده هالتصرفات والمساومات اللي عملتهم الشبيبة, زيد عليها الظروف الي تم فيها انتقال الشرميطي للنجم (قعد عام ما يلعبش ...), زيد عليها أنوا الشبيبة تزود فرق العاصمة بلاعبيها من غير مشاكل وترفض التعامل مع النجم (آخرها صفقة وجدي الدرعي اللي رفضتها الشبيبة) .. كل هذا خلى النجم زادة موش مستعد باش يراعي مصالح هالجمعية الي ما تتعاملش معاه وتتطاول عليه.

في هاشي حاجة ؟ اللاعب لاعب النجم والصفقة صفقته

توة كيف العملية تعملت في صيغة إعارة, مع إمكانية التفويت في اللاعب فيما بعد, الناس الكل ولات سمحت لروحها باش تحكم على أخلاقية الصفقة ..

هذا بيزنس .. آش مدخل الأخلاق ؟ جمعية تحب تعمل أحسن صفقة ليها ... وينو العيب ؟ آشنية المشكلة ؟

علاش حد ما قال اللي أخلاقيا ما يجيش جمعية تعطي لاعبيها للافريقي والترجي, وما تقول لا كان للنجم؟ الإجابة واضحة : هذيكة أمورها ..

امالا بربي ماذا بينا هالأشخاص اللي ما قعدت كان تنبر, تحشم على روحها وتشد ألسنتها و أقلامها على القدح في فريق أكبر منها ومن أمثالها ..

وعاش من عرف قدره ...

Le Rwanda accuse la France d’avoir participé au génocide de 1994

La Commission d’enquête rwandaise sur les responsabilités de la France dans le génocide des tutsis de 1994 a rendu ses conclusions le 5 août à Kigali. Elle accuse Paris d’avoir été au courant des préparatifs du massacre qui a fait entre 800 000 et 1 million de morts. Plus grave : Paris aurait participé à l’exécution du génocide. Le rapport met notamment en cause des militaires de l’opération Turquoise et de hauts responsables politiques dont François Mitterrand (président de la République), Edouard Balladur (premier ministre), Dominique de Villepin (directeur de cabinet) et Hubert Vedrine (secrétaire général de l’Elysée). Le rapport pourrait servir de base à des poursuites judiciaires au Rwanda contre des ressortissants français en vertu du principe de compétence universelle.

« La persistance, la détermination, le caractère massif du soutien français à la politique rwandaise des massacres (...) montrent la complicité des responsables politiques et militaires français dans la préparation et l’exécution du génocide des Tutsis de 1994 », indique le communiqué du ministère de la Justice reprenant les principales conclusions du rapport.

En 1998, une commission d’enquête parlementaire française dirigée par Paul Quilès avait totalement exonéré la France de toute responsabilité dans le génocide de 1994. En 2007, le journaliste Pierre Péan confirmait cette version des faits (Noires fureurs, blancs menteurs, Mille et une nuits, Paris, 2005). Pourtant, des associations (Commission d’enquête citoyenne) et des observateurs autorisés (Colette Braeckman, Jean Hatzfeld, etc.), soulignent la responsabilité politique de Paris dans le génocide (la France soutenait le régime génocidaire et a formé ses milices) et montrent l’implication des soldats français sur place (contrôles au check-point, exfiltration de criminels, etc.).

Les relations diplomatiques avec Paris ont été rompues par Kigali suite aux mandats émis par le juge français Jean-Louis Bruguière à l’encontre de hautes personnalités rwandaises, dont le président Paul Kagamé, mis en cause dans l’attentat du 6 avril 1994 contre l’avion du président Juvénal Habyarimana. Cet attentat a été le point de départ du génocide. Pour Kigali, ce sont des extrémistes hutus soutenus par Paris qui ont commis ce crime.

Quelles que soit la vérité, les autorités françaises ne semblent pas pressées de faire la lumière sur l’extermination d‘un septième de la population rwandaise. En 2007, l’arrestation de trois génocidaires présumés en France laisse peut-être augurer des avancées. Pour l’instant, la France n’a pas réagi au rapport rendu public à Kigali. A Paris, en ce 5 août, les chaînes de télévision évoquent des faits divers avant de consacrer, en milieu de journal, quelques secondes aux questions soulevées sur la responsabilité de Paris dans le génocide de 1994.

مغامرات مواطن في قطار سوسة-تونس

توة عندي مدة من غير كرهبة, الحق الواحد شاف حوايج ما يعرفها شالي عنده كرهبة, ولا حتى تجي على باله

يا سيدي نعلمكم الي وقتلي تعزم باش تاخذ التران, ما عندكم حتى دليل الي باش تسافروا قعودا ... حتى كان تقصوا كونفور موش درجة أولى ..

السبب واضح و خارج عن نطاق الشركة الوطنية للسكك الحديدية, وهو أنو المواطن كرم الله وجهه, على الأقل نسبة باهية, ما عنده حتى أدنى تربية تمنعوا من أنوا كيف يقص درجة ثانية ما ياخذش بلاصة واحد قاصص درجة أولى و ألا كونفور ..

يا سيدي أكثر من هكة .. البارح أنا وغيري واقفين, ما لقيناش كراسي فارغين, أيا سيدي قلت الأناقة خير مالعرعور .. ستنيت حتى جاء مراقب التذاكر, شهر الكنترولور, قالي شبيك واقف .. قلتله عند تسكرتي وما لقيتش بلاصة .. أهوكة بجنبي قد قد .. فما سيدة محترمة, قاعدة .. بجنبها ولدها, عمره ما يفوتش عامين, ما خذ بلاصة وحده..

أيا سيدي, الكنترولور ربي يعينه, دار يلوج لي في بلاصة, شاف الوليد الصغير الي ماخو كرسي وحده, قالي قدام أمه : هاي بلاصتك ... المرا تنبزت أما حطت ولدها في حجرها .. و بدات تخرنن .. خوكم رصاتلي قعدت, تسكرتي في يدي وحاشم اللي خذيت حقي ...

باش تسكت شوية, عملت روحي نخمم بالقوي : آه .. ظاهرلي الكنترولور قالي أقعد هوني عل خاطر يعرف الي الصغار ما يخلصوش, و بالطبيعة ما ينجموش ياخذوا كرسي ..

السيدة المحترمة باقي موش مسلمة : كان في بالي راني قصيتله بلاصه ..

وزيد طلع زوجها في الكرسي الي مقابلني .. بداو زعمه يحكيوا بالألمان .. في بالهم حد ما هو باش يفهمهم ...

أيا سيدي من غير ما نطول عليكم أكثر .. ماهو طلعوا ما همش قاصين جملة وحدة ... والله كيف ما نقوللكم .. وللي هبطوا في بئر بورقبة ما خلصوش .. ريتوشي وقاحة أكثر من هكة ...

والمشكلة الي ما مهمش حالات استثنائية ... نساء كبار متدينات, شباب زعمة نير .. وغيرهم .. الكل ماخذين بلاصة غيرهم .. وعاااااااااااااااااادي جدا ... لا حشمة ولا جعرة .. على مراد الله وبره ..

الحاصل مالأمر .. ما كنت طلعت وقعدت الا بالمرج وتدريع الخلائق .. هذا الكل في حين الحكاية ساهلة برشة : تقص تسكرة وتقعد في بلاصتك ..

ربي يهدي ما خلق

على هامش الجلسة العامة 2008 للنجم

من موقعي كمحب حضر في الجلسة العامة هذي, باش نحاول نمدكم بملاحظاتي :

أولا, الحضور كيف العادة موش في المستوى المأمول, رغم اللي التنظيم كان باهي برشة

ثانيا, حبيت نتكلم, ياخي الشتيوي بنميم أبقاه الله, خزرلي, ما عرفش وجهي, قاللي الله غالب جيت ممخر ... مع العلم اللي فما شكون جاء بعدي وتكلم

ثالثا, تم تكريم خليتنا في تونس .. قال شنوة عملت 100 اشتراك, مع العلم الي في الواقع عملنا 460 اشتراك .. أما سي الشتيوي يا ما جاش يا ما حبش يجرح مشاعر الخلايا الراقدة

رابعا, شخصيا كنت نحبذ أكثر أناقة, موش معقول نحاسبوا هيئة ونائب الرئيس مغيبينه .. ما نيش ندافع عليه .. أما تمنيت الجلسة هذه تتعمل 100 في 100 قانونية ..

خامسا, هانا جينا للجولنب القانونية, الجلسة ما صارتش كيف م يلزم, ومداخلة خميس بن فطوم, اللي فيها ريحة كريفة تشرقع, تم تهميشها وما جاوب عليها حد

سادسا, التغطية للحدث كانت ممتازة على الموقع الرسمي وعلى موقع الأحباء, حاجة باهية باش تقعد للتاريخ .. على حد علمي الجلسات السابقة ما قعدوا منها كان التقارير والمحاضر.

سابعا, عجبتني برشة طريقة التعامل مع المداخلات, بالرغم من أنوا البعض منها كان فيه شوية تهجم, يعني اللي تكلم ما منعوا حد باش يقول اللي يحب .. حاجة باهية .. أهوكة الحاضر يفرز وحده شنوة يشد مالمداخلات

ثامنا, سي معز تميز برحابة صدر كبيرة في تقبل النقد, اللي كان ساعات لاذع شوية, وحاول يجاوب على كل تساؤل, باستثناء للأسف مداخلة خميس كريفة, يا ربي بن فطوم ..

تاسعا, اللوائح المالية تتحمل شوية تساؤلات ما طرحها حد .. مثلا فين مشاو الزوز ملاين دينار الي فضلوا عمناول (2007) .. الحاجة الوحيدة اللي اتطرحت بالهمس, يعني في التراكن, هي : شبيها المداخيل موش كيف ما استننيناها .. وبالطبيعة حد ما عنده الجواب ..

عاشرا, سي معز وعد باش الهيئة الجديدة تاخذ بعين الاعتبار مختلف المقترحات المتعلقة بتسيير النجم, انشاله هذا يتم فيسع وما يتكتبش مع كلام الليل

حادشا, في الواقع, الجلسة انتخابية, تمنيت ندزوا فازتنا و يصوتوا ال790 منخرط في الجمعية, وتكون سابقة في كرتنا نتشرفوا بيها أكثر .. أما شي من هذا ما صار

ثانشا, الزوز اللي رشحوا رواحهم لخطة نائب رئيس انسحبوا في الصباح .. علاش زعمة.. في نفس الوقت, اللي تم تعيينه, يا ربي انتخابه, سي دعلول, يتقولوا الي الفكرة اقترحوها عليه وما جاتش من عنده .. على كل, كان صارت انتخابات بالرسمي راهوا سكتنا الأقاويل والدعايات ..

ثلطاشا, سي معز, على حد علمي, ما قال شي على الموقع الرسمي, وما قالش شكونو مدير الماركتينغ الجديد, وما جاوبش على حكاية المغازة الرسمية .. لا نعرفو وقتاش لا شكون شاددها لا آش بش يبدا فيها ... رغم الي برشة جبدوا عليها الحكايات هذه.

الحاصل, الجلسة تعدات في جو باهي في الجملة, لكن تضمنت بعض النقائص الهامة, وانشاله نتلافاوها في المستقبل, خاصة وأنو جمهور ليتوال ورا الي هو واعي و يستحق باش نتعاملوا معاه كيف ما يلزم (نقصد بالطبيعة حكاية التصويت) .. كان الرئيس معين مهما كان نائب الرئيس على الأقل انجموا ننتخبوه ..

انشاله العام الجاي أحسن

وديما معاك يا ليتوال