يا بايعتني بـسوم ماو في بالك
والا نسيتي بعد ما شريتيني
يا ناسايا الي صار والي جرالك
ما بين دمع و مال باش حزتيني
كي عصيتني و كبر بيـك هبالك
ضعتي و من ايديك ضيعتيني ،
ضعتي و رايك ضاع لو تتفكر
ايام دمعك عالخدود يــڨطر
ماقلتلي على الجفاء ما تقدر
في الشون والعبود خبيتيني
كي اخترتي هجري اليوم برى اهجر
، نوصيك اذا هجرتي غير انسيني
، نوصيك اذا هجرتي تتفكرشي
كي شريتني و بيعتي فييا عرشي
، كنت خيالي وجرتي وين نمشي
رديتني برنوص والبستيني ،
ماكنت عني اليوم ماتصبرشي
من غير ما ناديك كنت تجيني
من غير ما ناديك ديما حذايا
وحفرت حتى سكنت وسط احشايا
تمسكنت واتمكنت يا مشكايا
حتى بڨيت انظنك اتحبيني