Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

lundi, 14 septembre 2009

ميساج للناس اللي ما تحشمش

السلام عليكم

أنا يخدموا معايا زملاء من فرانسا وإيطاليا، وما تتصوروش قداش يحرصوا باش ما ياكلوش وإلا يشربوا وإلا حتي يتكيفوا قدامنا

زعمة مسلمين ؟ بالطبيعة لا

أما هوما متربين ويقدروا غيرهم ومعتقدات غيرهم

 

علاش نحكيلكم فيها الحكاية ؟

ماني توة كنت نورق في البلوقوسفير ولاحظت اللي ثمة برشة متقلقين من رمضان والإسلام وينددوا اللي ثمة بلدان مسلمة تعاقب اللي يجاهر بالإفطار

أنا نحترم أنه ثمة شكون ما يمنش وموش مسلم .. أموره، لكن نرى اللي من الوقاحة الدعوة إلى فرض ثقافة الإلحاد على العباد

يا خويا اللي ما هوش قادر باش يفهم اللي كيف سيادته يجاهر بإفطاره يقلق الناس اللي صايمة ما عندوش الحق يتقلق كيف حد ما يفهمه

واللي ما هوش قادر باش يحترم معتقدات غيره ما عندوش الحق يطالب باش الناس تحترمه

وربي يهدي ما خلق

11:22 Écrit par petitprince dans Blog | Lien permanent | Commentaires (0) |  Facebook

Les commentaires sont fermés.