أنا كيف برشة ناس، جاء وقت تسائلت وتمعنت ونشدت وقريت
هذه حاجة الواحد لازمه يتفخر بيها
موش يخاف منها
واليوم كل ما انجم نقول في ما يخص الدين هو أنه وصلت في الإخر إلى ما يلي :
- إيماني بربي كبير، نعرفه موجود وساعات نحسه قريب تقول بجنبي
- ثمة برشة حاجات وبدع وناس منسوبة للإسلام وهي ما عندها حتى علاقة بيه بل وساعات متعارضة معاه
- الدين حاجة في النهاية شخصية برشة .. ما يلزمش الواحد حاجة تهزوا وحاجة تجيبوا، وإنما يعمل رأيه وحده بعد التحقيق
- بالنسبة للنقطة متاع محاسبة ربي لينا، على حسب فهمي، ديما ثمة زوز ثنايا ممكنة : وحدة باهية ووحدة موش باهية، والإنسان عنده مخ ويعمل رأيه ومبعد يتحاسب عليه .. والله أعلم
مالإخر، سهلها تسهال : الواحد يشوف آش عنده في قلبه، يحاول يعمل الخير وما يضر حد وما يتكولف في حد .. وإنشاء الله زينة