.. من ضمن الحاجات اللي افرزتها امنكانية التعبير الافتراضي عبر المدونات, ثمة أشخاص للأسف امتهنت التنبير المجاني علاسلام, آخر طلعة طلعوا بيها هي كيفاش ربي قرر عقوبة قطع اليد للسارق,
معناها السارق ولى يسخف .. الوضع اللي نعيشوا فيه خير .. سرقة ونطرة وبراكاجات ..
ظاهرلي المفروض نحميوا المجتمع موش السارق
خاصة وأنه اللي يسرق من الجوع قلة .. الناس تسرق باش تشري كراهب وتلبس مليح ..
الناس اللي عاملة روحها تدافع على الانسانية .. ماذا بيا يفسرولي على أنهي انسانية يدافعوا ؟ على الانسان اللي يتسرق والا على السارق ؟
في عصر الخليفة عمر قصوا اليد مرتين في 11 سنة ..
معناها اللي يجي يسرق يتفكر اش يستنى فيه يرجعله شاهد العقل ..
اليوم في تونس السارق ما عنده ما يخوفه
والناس الكل ولات تخمم باش اتدافع على روحها
ما تسمع كان : لازم الواحد سلاحه فوقه .. أشكون يعرف على البلاء؟
أما خير نطبقوا شريعة ربي والا شريعة الغاب ؟
ربي يهدي ما خلق
وهالمدونة اللي محلولة بالذمة باش تحارب الاسلام زعمة شكون وراها ؟ وعلاش يلعب عالمريول ؟
حوس .. تفهم