توة يا عباد ربي أحنا عندنا مشاكل متاع تطرف في بلادنا؟ عندناشي شكون مشى لبار والا طبرنة وعمل حوبارة؟ تي بلادنا أكثر بلاد تتطبق فيها آية "لكم دينكم و لي ديني"
امالا آشنية غريبة هلي متقلقين ياسر من الناس اللي تحاول تطبق دينها كيف ما تنجم؟
علاش ما يحل حد موضوع على الأغاني اللي تتعدى في الراديو و الا في التلفزة و اللي ما تحكي كان على الرويق البارد, أما وقتلي حد يطلع في تاكسي والا يدخل لعطار يسمع كلام ربي في اذاعة الزيتونة, يخرج يجري مقابلة للكلافيي متاعو .. و يتخمر عليه و يبدى يسب و يقشتل في التاكسيست والا العطار ؟
تحل المدونات التونسية تلقى موش واحد موش اثنين متقلقين ياسر ماللي النساء ولات فيها نسبة باهية متحجبة .. و ما تلقى حد يحكي على العرا والقرا اللي وين تمشي تلقاه.. حتى واحد ماهو متقلق مالفساد و الهموم الجامدة اللي مطيشين في الشوارع يقلقوا في الناس ويبراكيو فيهم ..
بالظاهر اللي فما نسبة ماللي قلوبهم مريضة, وما ينجموش يجاهروا بكفرهم في الحقيقة ولاو استغلوا هالفضاء هذا باش ينبروا على الدين و يدعيوا للفساد .. وما تقرى كان عالشراب والقعدات والدعارة المقنعة أحيانا وساعات عيني عينك ..
و ماعون صنعتهم باش يتعرفوا ويتقراوا أنهم يتطاولوا على الاسلام وعلى كل مظاهر الحشمة و التربية والبعد عالفساد.
ومحل شاهد, سب تعرف وتولي مشهور
وما انجموا نقولو كان "ربنا لا تؤاخذنا بما فعل السفهاء منا"
توة مدة وأنا نعوم من مدونة لمدونة, و في الحقيقة فما برشة منها اللي تقدم في مقالات ممتازة وممتعة, لكن فما ظاهرة غريبة ماشية و تستفحل, للأسف, هي ظاهرة التطاول على الإسلام, باعتباره الدين الرئيسي في تونس.
Commentaires
bravo
ya3tek el saha fahed rala 9albi
excellent post
je pense qu'ils ont raison de s'inquiéter, aujourd'hui ça peut paraitre anodin ou banal qu'il y ait plus de voilées, c'est vrai que notre pays reste plus libre qu'une Arabie Saoudite, mais ce que vous ne voyez pas c'est où ça peut mener à long-terme .. ça commence comme ça et ça finit en des regrets inutiles.. Et l'expression "tatawel" est impropre ici, vu qu'il n'y a rien d'assez haut pour échapper à la critique..
بارك الله فيك على هل المداخلة تونس دولة مسلمة شاء من شاء وأبى من أبى
bien dit. bravo. pour eux c'est la mode n'importe qui insulte le coran, mohamed et tout ce qui est sacré pour nous sans le moindre respect.
"mais ce que vous ne voyez pas c'est où ça peut mener à long-terme "
Ca menera a quoi a long terme Monsieur le visionnaire.